 |
قبض(Constipation)
قبض کی تین صورتیں ہیں -
1-اس میں مسلسل تین دن تک پاخانہ نہیں آتا بعض دفعہ اس میں اتنی شدت ہوتی ہے کہ
اس کا دورانیہ پندرہ دن تک بڑھ جاتا ہے اور بعض دفعہ ا س سے بھی آگے چلا جاتا ہے اور جب
رفع حاجت ہوتی ہے تو پاخانہ اس قدر سخت ہوتا ہے کہ اس کا اخراج مشکل اور تکلیف سے ہوتا
ہے اوربعض اوقات مقعد کو زخمی کردیتا ہے۔
2۔قبض کی دوسری صورت میں پاخانہ اخراج تو پاتا ہے لیکن تھوڑا تھوڑا اور بار بارآتا ہے۔
3۔قبض کی تیسری صورت یہ ہے کہ پاخانے کا احساس ہوتا ہے لیکن واش روم جانے کے بعد
بہت زیادہ دیر انتظار کرنے کے بعد پاخانہ اخراج پاتا ہے۔
ان کو مد نظر رکھتے ہوئے قبض کو تین اقسام میں تقسیم کیا جاتا ہے۔
اعصابی قبض:یہ قبض بہت کم ہوتی ہےاگر اس مزاج کے کے حامل لوگوں کامعائنہ کیا جائے تو
معلوم ہوتا ہے کہ کہ ان کی نبض بہت نیچے جاکر گہرائی میں ہوتی ہے،پیشاب کا رنگ سفیداور
زبان کے اوپر بھی سفیدی کی تہہ ہوتی ہے۔جسم میں حرارت کم ہوتی ہے۔ ان کو بھوک بہت
کم لگتی ہے یا بالکل نہیں لگتی ۔ معدے کی خوراک کو ہضم کرنے کی صلاحیت بھی کم ہوجاتی ہے
۔منہ کا ذائقہ پھیکا ہوتا ہے اورگندے گندے ڈکار آتے رہتے ہیں۔بلغمی مزاج ہونے کی وجہ
سے نزلہ زیادہ بہتا ہے اور نیندبھی بہت زیادہ آتی ہے۔خوراک زیادہ دیر تک پیٹ میں رکے
رہنے کی وجہ سے خراب ہوکر متعفن ہوجاتی ہے۔ بلڈ پریشر لو ہوتا ہے اور جسم کی جلد نرم ہوتی
ہے۔
خوراک:اس مریض کو تمام ٹھنڈی چیزیں مثلا سوگودانہ کی کھیر،جوکا دلیا،گجریلا،برفی، انڈے
کی سفیدی،ٹھنڈے مشروبات وغیرہ مکمل طور پر بند کردیں۔اس کو کھٹی یعنی ترش ذائقے والی
غذائیں جیسے دہی ،لسی،اچار،آڑو،فالسہ،سیب،بیر،چٹنیاں کھانے کودیں ۔اسی طرح
کالےچنے،بڑا گوشت ،کریلے،چنے،چنے کی دال،جامن،مچھلی کا گوشت،پکوڑے وغیرہ
استعمال کروائیں۔
علاج:
ہلیلہ سیاہ۔30گرام
کالادانہ۔30
دونوں چیزوں کو پیس کر سفوف بنالیں اور خوراک ایک چوتھائی چائے کا چمچ صبح شام استعمال
کریں۔ضرورت کے تحت اس کو کم اور زیادہ بھی کیا جاسکتا ہے-
عضلاتی قبض:
اس میں اگر مریض کی نبض کا معائنہ کیاجائے تو نبض بالکل اوپر ہوتی ہےسخت ہوتی ہے اور
رفتار میں تیز اور لمبائی میں دوسےاڑھائی انگلی تک ہوتی ہے۔قارورہ یعنی پیشاب کا رنگ سرخی
مائل اور بعض دفعہ سرخی کے ساتھ ہلکا پیلا رنگ بھی ہوتا ہے۔منہ کا ذائقہ کھٹا ہوتا ہے۔کھٹے
ڈکار آتے ہیں پیٹ بہت زیادہ سخت ہوتا ہے اور دبانے سے نہیں دبتا۔سر اکثر گرم ہوتا ہے۔
جلد کی رنگت پر سیاہی غالب ہوتی ہے اور نیند کم آتی ہے-پیٹ گیس سے بھرا ہوتا ہے،معدہ
میں سوزش ہوتی ہے-
نقصانات:اس مزاج میں آنتوں میں خشکی بہت زیادہ ہوجاتی ہے جس کی وجہ سے معدہ میں
سے خوراک نکل کر آنتوں میں نارمل وقت سے زیادہ دیر ٹھہری رہتی ہے جس کی وجہ سے غلط
مادے جذب ہوکر دل کی طرف چلے جاتے ہیں اور گھبراہٹ پیدا کرتے ہیں-یہ مادے اگر
جلد کا رخ کرلیں تو خارش کا سبب بن جاتے ہیں اور اگر مقعد کی طرف چلےجائیں تو بواسیر کا
باعث بنتےہیں-اسی طرح یہ مادے جسم میں ٹیومر اور رسولیوں کا باعث بنتے ہیں-
خوراک:اس مزاج کے لوگ بڑا گوشت،کریلے،چنے،دال
مسور،کالےچنے،کڑھی،پکوڑے،فالسہ،سیب،املی،آلوبخارہ ،لسی اور چٹنیاں استعمال نہ
کریں-ان کے لئے چھوٹا گوشت،مرغ کا گوشت،پرندوں کا گوشت،میتھی،پالک،ساگ
وغیرہ کااستعمال مفیدہے۔اس کو دودھ میں دیسی گھی ڈال کر پلائیں۔
علاج:
نسخہ1
اجوائن دیسی۔30گرام
نمک سیاہ۔30گرام
کلونجی۔30گرام
ہنزل۔30گرام
سنامکی۔30گرام
سفوف بنالیں اور نصف چائے کا چمچ صبح شام۔
نسخہ2
مسہل غدی اعصابی
سنڈھ۔50 گرام
نوشادر۔20گرام
کالی مرچ۔10گرام
سنامکی۔80گرام
ریوند عصارہ۔10گرام
سفوف بنالیں خوراک2تا 4ملی گرام صبح شام
نسخہ3
سنامکی30 گرام
تیزپات 30گرام
دونوں کا سفوف بناکر نصف چائے کا چمچ صبح شام۔
غدی قبض:غدی قبض گرمی کےمزاج کے لوگوں کو ہوتی ہے۔اس کامزاج بہت زیادہ گرم
ہوتا ہےہاتھ اور پاؤں میں جلن ہوتی ہے۔اس میں پخانہ بار بار آتا ہے اور تھوڑا تھوڑا آتا
ہےاور لیٹرین میں زیادہ دیر بیٹھنا پڑتا ہے- اس میں پیشاب کا رنگ زرد ہوتا ہے اور پیشاب
جل کر آتا ہے۔پخانے کے مقام یعنی مقعد میں بھی جلن ہوتی ہے۔منہ کا ذائقہ کڑوا ہوتا ہے۔
گلے،سینےاورغذاکی نالی میں میں جلن ہوتی ہے-پیٹ میں درد اور مروڑ ہوتےہے ۔غصہ بہت
زیادہ آتا ہے۔منہ خشک رہتا ہے اورپیاس بہت زیادہ لگتی ہے۔ اگر اس میں مریض کی نبض کا
معائنہ کیا جائے تو اس کی نبض نہ تو بالکل اوپر ہوتی ہے اور نہ ہی بالکل نیچے ہوتی بلکہ درمیان
میں ہوتی ہے یہ نبض مقدار میں طویل،تنگ اور رفتار میں درمیانی ہوتی ہے- اس مزاج کے
مریضوں کے لئے چھوٹا گوشت،مرغ کا گوشت،پرندوں کا گوشت،میتھی،پالک،ساگ وغیرہ
کااستعمال نقصان دہ ہے۔ دال ماش،بھنڈی توری،گھیا تورے،ٹینڈے، کدو،اروی،دال
مونگ،حلوہ کدو،کیلا،امرود،خربوزہ، کچی لسی، ملک شیک،گنے کا رس،ساگودانہ کی کھیر،دودھ
بنی کھیر،دودھ والی سویاں ،برفی ،کسٹرڈ، گنےکا رس،کیلے کا ملک شیک وغیرہ کا استعما ل مفید
ہے۔
علاج:
نسخہ1
سہاگہ۔50گرام
ملٹھی۔75گرام
گل بنفشہ۔75گرام
سفوف بنا لیں خوراک ایک گرام سے تین گرام تک صبح شام
مجرب و آزمودہ نسخہ جات خواتین و مرد حضرات کے لیے
){kind=link}
0 تبصرے